Шинэ жилийн веган бялуугаа хаанаас захиалах вэ?

Loving Hut Mongolia
Dec 18, 2023
1 min read

Шинэ жил хаяанд ирлээ. Шинэ оноо угтах баярт үйл явдлыг тэмдэглэхэд баярын ширээний хамгийн чухал идээ бол бялуу байдаг. Веган хэв маягийг амьдралдаа хэвшүүлдэг олон хүний мэддэгээр өндөггүй, сүүгүй, цэвэр ургамлан гаралтай олон төрлийн амтат бялууг тогтмол хийдэг газрууд бол мэдээж Фүүди мөн Боско Верде. Эрхэм зорилгыг өмнөө тавьж цуцалтгүй хөдөлмөрлөсөөр байгаа тэд маань эрүүл, амттай зоогоор үйлчилж, хөлдөөсөн, вакумжуулсан бүтээгдэхүүнүүд үйлдвэрлэн хялбар дөхөм хэрэглээг бидэнд олгосоор байгаа билээ. Харин одоо веган хоолтнууд өдрөөс өдөрт нэмэгдэж веган хүнс бүтээгдэхүүн үйлвэрлэгчид олширсоор байгаа нь үнэхээр сайхан хэрэг.

Энэ жилийн хувьд Фүүдигээс гадна веган хүнсний салбарт шинээр хөл тавиад буй Веган Хаус ресторан болон Round Table Vegan Kitchen-ий хамт олон өөрсдийн онцлог шинж чанартай веган бялуунуудыг захиалгаар хийж байна.